06. “Debajo eras” Bazterreko pinua

Bizitza honetan, ohikoa da zerbait ikustea eta ez jakitea zergatik dagoen hor, ez eta zertarako balio duen ere. Leku okerrean edo lekuz kanpo baleude bezala.

Pertsonekin antzeko gertatzen da. Ohikoa da, batzuen kasuan, honako hauek esatea: “bere garaiari aurreratu zaio” edo — Jesukristok Ebanjelioan zioen bezala — “nire erreinua ez da mundu honetakoa”.

Zenbaitetan, zeure buruari galdetuko diozu zergatik dagoen pertsona edo gauza bat lekuz kanpo.

Hamaika aldiz entzundako galdera: nondik gatozen eta nora goazen.

Pinua zenbait lekutan berez jaiotzen den zuhaitza da, eta Nafarroan, iparraldean jaio ohi da. Leatxen, pinuak ditugu landatu egin direlako.
Hori bai, salbuespenak salbuespen. “Debajo Eras” bazterrean, 30 urte inguruko pinu bat dago. Aspalditik landu ez den alor baten erdian dago, garizko beste alor baten ondoan.

Ez du inork landatu. Nola demontre iritsi da hara?

Pentsatu beharko dugu txori edo intsektu batek hazia ekarriko zuela, edo haizeari esker iritsi zela. Edo agian gizakiak ekarri du ustekabean.

Baso-teknikariek diotenez, pinua espezie inbaditzailea da. Lurralde berriak kolonizatzea gustuko du. Izan ere, normala da, artifizialki pinuz birpopulatutako baso-masa bat amaitzen den tokian, pinu gehiago hazten ari direla ikustea kanpoko perimetroan.

Hala ere, pinu honen kasua bitxia da, gertuen dagoen pinudia 800 metrora baitago. Beraz, ez da gertutasun kontua.

Naturaren misterioak eta argitu gabeko enigmak. Egia esan, harrigarria da pinu bat hor ikustea.